قصيدة " يا صديقي " والشاعر غير معروف

لهذه القصيدة قصة فقد تم إرسالها من شاعر من ولاية بسكرة
 منطقة{أولاد جلال}إلى شعراء منطقة سد رحال دائرة مسعد الجلفة

يا صديقي كاش ما دبرت أبيات
نحكيلك كلمات راهم في بالي

*
نحكيلك عن قصتي كيفاه إبدات
نشرحلك كيفاه جرحي نبالي

*
ساهر طول الليل ما نرقد هيهات
ويعذرني من راه حالو كحالي

*
ما نقبل زهو الليالي والقصرات
ما نقبل قصرة مع عوز الوالي

*
يعجبني تقصير الرجال الدهات
كل آخر قصيدتو يرويهالي

*
ابن النوي نالها جاب الشيعات
متأدب ميجود ديمة لأمثالي

*
والشعراء شعرهم بيه اتبدات
يهبط ليهم ساكن القصر العالي

*
بن كريو مع السماتي من لموات
صيادين الريم في البر الخالي

*
مثل اسبوعة متمايزين على لبوات
آخر من لقواط وآخر جلالي

*
عودي لعطر كاسبو زين الصفات
امصيلو من صيل عربي أصالي

*
عنقو جابي والسبايب بالهيلات
العام أثناعش صافنو وست أقدالي

*
البهرة في الخيل والهمة عودات
طرز الفضة والصدارة فيلالي

*
مثل النجمة طالعة في الليل اضوات
مجبود تلمسان في السومة غالي

*
المسافة يعقبوها سيارات
في الوقت المعلوم يتم أوصالي

*
شاهي نخطر شور مسعد ياسادات
وانحوس كيما نحب ويهوالي

*
بن سرور انخلفو قبل الصلات
نستنشق ريح الهواء في تجوالي

*
ريح الصبح ايزيد للخاطر للذات
يا صديقي كون فاهم مقالي

*
يا عبد الجبار وارجال الخصلات
كردداة فيها السماتي يلقالي

المصدر:صفحة تراث ولاية الجلفة